«ՈԶՆԻ-2019» Մեկնարկ

Մեկնարկել է «Ոզնի-2019» ամենամյա համակարգչային մրցույթը

Մրցույթին կարող են մասնակցել այն աշակերտները, ովքեր հմտորեն տիրապետում են ներքոնշյալ ծրագրերին. 6-րդ դասարան Paint 7-րդ դասարան Microsoft office Power Point 8-րդ դասարան Microsoft office Word 9-րդ դասարան Photoshop 10--րդ դասարան Microsoft office Excel 11-րդ դասարան HTML, CSS Մրցույթի I փուլի անցկացման կարգը.

• Յուրաքանչյուր դպրոց մրցույթն անց է կացնում իր իսկ դպրոցում:

Մրցույթին մասնակից աշակերտներին տրվում են հետեւյալ հանձնարարությունները. 6-րդ դասարան- նկարել Paint ծրագրով նշված հայտնի հեքիաթներից մի դրվագ ժամանակակից մոտեցմամբ. Թեմա 1. «Մի կաթիլ մեղրը եւ նորարարական տեխնոլոգիաները»։ Թեմա 2. «Կարմիր գլխարկն ու նորարարական տեխնոլոգիաները»։ 7-րդ դասարան- ստեղծել Microsoft office Power Point ծրագրով խաղ վիկտորինա՝ Hyperlink-ի, Action Buttons-ների կիրառմամբ:Յուրաքանչյուր թեմայում ընդգրկել առնվազն 7 հարց: Թեմա 1. «Ճանաչիր հայ գրողներին»: Թեմա 2. «Ճանաչիր Հայաստանը»։ 8-րդ դասարան- Microsoft office Word ծրագրով պատրաստել գովազգային էջ օգտագործելով հետեւյալ հրամանները. Shapes, Page Color, Header, Footer (առաջնահերթություն կտրվի այն աշխատանքներին, որոնցում կիրառված չեն լինի Word ծրագրի շաբլոնները եւ համացանցից վերցված նկարները): Թեմա 1. Խելացի գիրք (Smart book): Թեմա 2. Խելացի գրիչ (Smart pen): 9-րդ դասարան- Photoshop ծրագրի կիրառմամբ ստեղծել անիմացիոն նկար (.gif ձեւաչափով), որը կարտահայտի հետեւյալ խնդիրների լուծումը. Խնդիր 1. Ինչ դիրք կընդունի մագնիսական սլաքը, եթե այն տեղադրենք ջրի մակերեւույթին լողացող խցանի վրա: Խնդիր 2. Գետի հոսանքի արագությունը 2 կմ/ժ է: Նրա ափին գտնվող երկու նավամատույցների հեռավորությունը 80 կմ է: Որքան ժամանակում նավակը կգնա մի նավամատույցից մյուսը եւ կվերադառնա, եթե նավակի արագությունը չհոսող ջրում 18 կմ/ժ է: 10-րդ դասարան- Microsoft office Excel ծրագրի միջավայրում՝ կիրառելով y=|x| եւ y=kx+b ֆունկցիաների գրաֆիկների ձեւափոխությունները, ստանալ տրված պատկերները: Պատկեր 1.

Պատկեր 2.

11-րդ դասարան- HTML-ի եւ CSS-ի կիրառմամբ ստեղծել կայք էջ նշված թեմաներից որեւէ մեկով: Թեմա 1. Կոմիտաս-150 Թեմա 2. Հովհաննես Թումանյան-150

• Աշխատանքներն անհրաժեշտ է պահպանել հետեւյալ ձեւաչափով` AnunAzganun*school ( *-ի փոխարեն գրում եք ձեր մարզի անվանումը եւ դպրոցի համարը) Աշխատանքների եւ դիմում հայտերի ընդունման վերջնաժամկետը ապրիլի 14-ն է: Աշխատանքները լրացված դիմում հայտի հետ միասին ուղարկել vozni.mrcuyt@gmail.com էլ.հասցեին: